Mudnaanada Sharci-dejinta

Bangiga Gobolka
- Xoojinta jeebka dadka Washington.
  - Maalgelintu waa tiirka ugu weyn ee saldhigga u ah tallaabo kasta oo aan qaadno sida dowlad-goboleed ahaan. Bangiga Dadweynaha ee Washington State (Washington State Public Bank) wuxuu raaci lahaa nidaam la tijaabiyay oo guushiisa la xaqiijiyay si uu bulshooyinkeenna u siiyo qalabka ay u baahan yihiin si ay u maalgeliyaan mustaqbal ifaya.
  - Isticmaalka caqliga leh ee lacagta canshuur-bixiyeyaasha ee si adag loo kasbaday, si ay uga faa’iideysato Washington State, ee aanay uga faa’iideyn Wall Street.
Helitaanka Daryeel Caafimaad
- Caymiska caafimaadka, helitaanka, iyo Kaabeyaasha daryeelka caafimaadka.
  - Daryeelka caafimaadku waa xuquuqda aadanaha. Washington waxay hormuud u tahay dalalka marka la eego helitaanka daryeelka caafimaadka carruurta iyo xuquuqaha taranka, aniguna waxaan la shaqeynayaa daneeyeyaasha muhiimka ah si aan halkan uga hirgelino daryeel caafimaad oo guud (universal healthcare) sidoo kale.
  - Qofna ma aha inuu ku dhaco khasaaro dhaqaale ama guri la’aan sababo la xiriira kharashaadka caafimaadka oo buuxinaya jeebabka shirkadaha waaweyn.
Guriyeeynta
- Suuqa guriyeeynta ee loogu talagalay qof walba.
  - Guriyeeynta waa xuquuqda aadanaha, helitaanka guriyeeynta waa mas’uuliyad wadajir ah oo saaran dhammaanteen. Waxaan dooran karnaa inaan dhisno Washington oo ay carruurteena iyo awoowayaasha carruurteena ayaa ku noolaan karaan isla markaana guri ku yeelan karaan. Barnaamijka si fiican loo qorsheeyay ee guriyeeynta bulshada (social housing) ayaa wax ka qaban kara arrintan.
  - Guriyeeeyntu waa shuruud oo lagama maarmaan u ah caafimaadka guud iyo fiyowqabka.
Guri la’aanta
- Ka-hortagga iyo adeegyada taageerada ah waxay badbaadiyaan nolosha.
  - Waxaan iga go’an in aan ballaariyo helitaanka taageerada caafimaadka maskaxda iyo habdhaqanka ee qof walba, balse sidoo kale waa in aan dadka ka caawinno inay sii joogaan guryahooda ay hadda degan yihiin isla markaana aan kordhinno amniga guriyeynta. Tani waxay si gaar ah u khusaysaa dadka kireysta guryaha, kuwaas oo leh xasillooni guriyeed oo ka yar tan milkiilayaasha guryaha. Guriyeeynta bulshada ayaa wax ka qaban karta arrintan.
  - Guri la’aantu waa cabbir muuqda oo lagu qiimeeyo xaaladda bulshadeena rayidka ah ee aan la nool nahay.
Badqabka Dadweynaha
- Bulshooyin ammaan ah oo la jaan qaadi karto qof walba.
  - Waxaan iga go’an in aan ka dhigno bulshooyinkeenna kuwo ammaan ah, isla markaana aan ka hortagno rabshada, cayda, iyo cadaadis nooc kasta oo uu yahay. Doorkayga sida sharci-dejiye ahaan waa in aan wax uga qabano baahiyaha bulshadeena annagoo adeegsanayna xalal ku saleysan xog oo ilaalinaya badqabka dhammaanteena. Tani ayaa ka dhigaysa in la yareeyo rabshadaha taraafikada iyo in bulshadeena ay hesho adeegyo la heli karo oo deggan.